काठमाडौं । नेपालमा पछिल्लो २४ घण्टामा थप ६३८ जनामा कोरोना भाइरस (कोभिड–१९) संक्रमण पुष्टि भएको छ ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले देशभरका प्रयोगशालामा गरिएको परीक्षणमा थप ६३८ जनामा कोरोना पुष्टि भएको जानकारी दिए ।
योसँगै नेपालमा कोरोना संक्रमितको संख्या २३ हजार ९४८ पुगेको छ ।
प्रवक्ता गौतमका अनुसार, हाल नेपालमा ७ हजार २०१ जना सक्रिय संक्रमित छन् । आज देशभर १० हजार ४६२ जनाकाे काेरोना परीक्षण गरिएकाे छ । साथै आजसम्म १६ हजार ६६४ जनाले काेरोना जितेका छन् ।
