नेपाल कम्युनिस्ट पार्टी (नेकपा) का सर्लाही जिल्ला अध्यक्ष रेवती पन्तलाई कोरोना संक्रमण भएको छ ।
चिकित्सको सल्लाहअनुसार, हाल उनी काठमाडौंमा आइसोलेसनमा बसेका छन् । उनको स्वास्थ्य अवस्था सामान्य रहेको बताइएको छ ।
बुधबार एक विज्ञप्ति जारी गर्दै अध्यक्ष पन्तले आफूलाई कोरोना संक्रमण देखिएको बताएका हुन् ।
'३-४ दिन पहिलेदेखि मलाई हल्का ज्वरो र घाँटीमा केही असजिलो समस्या अनुभव भएको थियो । शंका लागेर काठमाडौंमा आएर स्वाब संकलन गराएँ । पिसिआर टेष्ट कोभिड पोजेटिभ देखियो’ उनले विज्ञप्तिमा भनेका छन् ।
यसबीचमा आफूले कामको सिलसिलामा केही भेटघाट र छलफल गरेको भन्दै उनले नजिकबाट आफ्नो सम्पर्कमा रहेकाहरुलाई सचेत हुन र परीक्षण गराउन सुझाव दिएका छन् ।
