काठमाडौं । जिल्ला प्रशासन कार्यालय चितवनले कुनै पनि भेला र बैठक नगर्न निर्देशन दिएको छ ।
प्रशासनले आज एक सूचना जारी गर्दै कोभिड–१९ को सङ्क्रमणको जोखिमलाई दृष्टिगत गर्दै भेला र बैठक नगर्न निर्देशन दिएको हो ।
जिल्ला प्रशासन चितवन कार्यालयले सोमबार कोरोनाको जोखिममा यस्ता कार्यक्रममा उच्च हुने हुने भन्दै कुनै पनि भेला र बैठक नगर्न निर्देशन दिएको हो ।
निर्देशनलाई अवज्ञा गरी त्यस्ता कार्य गरेको पाइएमा सङ्क्रामक रोग ऐन २०२० बमोजिम कारवाही गरिने प्रशासनले जारी गरेको सूचनामा उल्लेख छ ।
चितवन प्रशासनले सातवटै स्थानीय तह, जिल्ला सहकारी सङ्घ, शिक्षा विकास तथा समन्वय एकाइ र विभिन्न सङ्घसंस्थालाई सूचना पठाएर आवश्यक समन्वय र सहयोग गर्न अनुरोध गरेको हो ।
