काठमाडौं । अमेरिकामा कम्पनी दर्ता गरिदिने प्रलोभन देखाई १० लाख रुपैयाँ ठगी गरेको आरोपमा प्रहरीले एक अमेरिकी नागरिकलाई काठमाडौंबाट पक्राउ गरेको छ । 

अमेरिकी नागरिक डेनियल लि म्यागीलाई महानगरिय अपराध महाशाखाबाट खटिएको टोलीले उनलाई काठमाडौंको क्षेत्रपाटीबाट पक्राउ गरेको हो । 

कोटेश्वरस्थित एटलस सेक्युरिटी प्रा.लि.लाई अमेरिकामा दर्ता गरी साझेदार बनाउने भन्दै डेनियलले १० लाख रुपैयाँ ठगी गरेको प्रहरीले जनाएको छ । 

साथै उनले सुजन थापा र सन्दीप कार्कीलाई समेत बिजनेश भिषामा अमेरिका लान्छु भनेर ५ लाख ठगी गर्ने प्रयास गरेको पाइएको छ।