काठमाडौं । सप्तरीको तिलाठी कोइलाडी गाउँपालिका-२ लौनियाँमा एकैदिन २५ जनामा कोरोना संक्रमण पुष्टि भएको छ ।
जिल्ला स्वास्थ्य कार्यालयका अनुसार ४ वर्षीय बालकदेखि ७१ वर्षका वृद्वमा एकैदिन संक्रमण पुष्टि भएको हो ।
संक्रमण ४ वर्षे दुईजना बालक, १५ वर्षीया एक किशोरी, ५५ वर्षीया एक महिला, ३५ वर्षीय तीन जना पुरुष तथा २६ , २२ र ४२ वर्षीय दुई/दुई जना पुरुष र ४७, ४०, २०, ४५, ३८, ३६, ३१, २४, ३८, ७१, ६० र एक जना उमेर नखुलेका पुरुष रहेको बताइएको छ ।
सप्तरीमा कोरोना संक्रमितको संख्या पाँच सयभन्दा बढी भएको बताइएको छ ।
