काठमाडौं । प्रेमिका बलात्कार गरेको अभियोगमा एक युवक पक्राउ परेका छन् ।
कैलालीको लुम्किचुहा नगरपालिका–२ घर भई धुम्बाराही बस्ने २३ वर्षीय प्रज्वल कार्की परेका हुन् । उनी १४ वर्षीया बालिकालाई बलात्कार गरेको अभियोगमा पक्राउ परेका हुन् ।
महानगरीय प्रहरी वृत्त, सातदोबाटोका डीएसपी मित्रबन्धु शर्माले परिवारले दिएको किटानी जाहेरीका आधारमा उनलाई पक्राउ गरी अनुसन्धान थालिएको बताए ।
प्रारम्भिक अनुसन्धानबाट बलात्कृत किशोरी उनीकी प्रेमिका भएको खुलेको प्रहरीले जानकारी दिएको छ । साथै, उनीहरुको चिनजान फेसबुकबाट भएको बताइएको छ ।
