काठमाडौं । बिहेको प्रलोभन देखाइ  १६ वर्षीया बालिकालाई बलात्कार गर्ने एक जना युवकालाई प्रहरीले पक्राउ गरेको छ ।  पक्राउ पर्नेमा उदयपुर जिल्ला चौदण्डी नगरपालिका– ३ घर भइ हाल काठमाडौंस्थित थानकोट बस्ने २६ वर्षीय जय राई रहेको प्रहरीले जनाएको छ ।

प्रहरीले जनाए अनुसार पक्राउ परेका ती राईले शुक्रबार नागर्जुन नगरपालिका–१० स्थित आफ्नो साथीको डेरामा बालिकालाई लगेर जबरजस्ती बलात्कार गरेका थिए । उक्त घटनाको जानकारी पाएलगत्तै ललितपुरको सातदोबाटोबाट उनलाई प्रहरीले पक्राउ गरेको हो । यस घटनाबारे थप अनुसन्धान भइरहेको प्रहरीले जनाएको छ ।