काठमाडौं । एउटै गाउँपालिकाले करारमा ३ जना माेटरसाइकल चालक राखेर पौने ६ लाख रुपैयाँ खर्च गरेकाे पाइएकाे छ ।
महालेखा परीक्षकको कार्यालयले प्रकाशन गरेको ५७ औँ प्रतिवेदनअनुसार खोटाङको बराहपोखरी गाउँपालिकाका अध्यक्ष, उपाध्यक्ष र प्रशासकीय अधिकृतले माेटरसाइकल चालककाे नाममा पौने ६ लाख लिएका हुन् ।
महालेखाको प्रतिवेदनले भनेको छ, ‘कार्यालयमा सवारी साधन भएकाे अवस्थामा चालक राखी भत्ता दिन मिल्नेमा बराहपोखरी गाउँपालिकाले सवारी साधन नभएकाे अवस्थामा ३ जना सवारी चालक करारमा राखी ५ लाख ७६ हजार खर्च गरेकाे देखियो ।’
महालेखा परीक्षकको कार्यालयका अनुसार माेटरसाइकल चालक नियुक्ती गर्न नमिल्ने र यस बारेमा छलफल गर्दा गाउँपालिका अध्यक्ष, उपाध्यक्ष र प्रशासकीय अधिकृतले माेटरसाइकल चालक राखेका पाइएकाे हाे ।