काठमाडौं । प्रहरीले बिहीबार ६ जनालाई पक्राउ गरेको छ ।
बुद्ध धर्मग्रन्थ बिक्री हुँदै गरेको सूचनाको आधारमा खटिएको प्रहरी टोलीले उनीहरुलाई पक्रउ गरेको हो ।
पक्राउ पर्नेमा खोटाङका गेहेन्द्रसिंह आत्रय, काभ्रेका जनक गिरी, ओखलढुंगाका सुवासकुमार बस्नेत, हरिबहादुर लामिछाने, काठमाडौंका राजेन्द्रबहादुर जोशी र नुवाकोटका रोशन तामाङ छन् ।
प्रहरीले उनीहरुलाई सुनको अक्षरले लेखिएको धार्मिक ग्रन्थको पाना बिक्री गर्न खोजेको आरोपमा पक्राउ गरेको हो ।
टोलीले सुनौलो अक्षरले लेखिएको बुद्ध धर्म ग्रन्थका १६ पाना बरामद गरेको जनाइएको छ ।
उनीहरुले सो धर्मग्रन्थ पाँच करोडमा बिक्री गर्न लागेका थिए ।
