काठमाडौं । नेपालमा पछिल्लो २४ घण्टामा ४६३ जना कोरोना संक्रमित थपिएका छन् ।
आइतबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले थप ४६३ जनामा कोरोना संक्रमण पुष्टि भएको जानकारी दिए ।
थपिएका संक्रमितमा १०५ जना महिला र ३५८ जना पुरुष छन् ।
योसँगै नेपालमा कोरोना संक्रमितको संख्या १२ हजार ७७२ पुगेको छ ।
हालसम्म कोरोना संक्रमणमुक्त भई डिस्चार्ज हुनेको संख्या तीन हजार १३ पुगेको छ ।
गएको २४ घण्टामा चार हजार ९६२ जनाको पिसिआर परीक्षण र दुई हजार ७३२ जनाको आरडिटी परीक्षण गरिएको प्रवक्ता डा. गौतमले जानकारी दिए ।
यसैगरी हाल देशभरका ६१ हजार ७३१ जना क्वारेन्टाइनमा र नौ हजार ७३१ जना आइसोलेसनमा रहेको उनले जानकारी दिए ।
