चितवन । भरतपुर अस्पतालमा एक कोरोना संक्रमित पुरुषको मृत्यु भएको छ ।
अस्पतालका अनुसार, ५० वर्षीय पुरुषको शनिबार विहान साढे ६ बजे मृत्यु भएको हो । उनी कैलालीको गोदावरी नगरपालिका–७ का पुरुष हुन् ।
शुक्रबार दिउँसोदेखि स्वासप्रश्वासमा समस्या देखिएपछि उनलाई आइसोलेसन वार्डबाट आईसीयूमा सारिएको थियो ।
असार १० गते चितवन मेडिकल कलेजमा भर्ना भएका उनलाई असार ११ गते राति भरतपुर अस्पताल रिफर गरिएको थियो ।
उनी फोक्सोको क्यान्सरबाट पीडित रहेको पनि अस्पतालले जानकारी दिएको छ । बीपी कोइराला क्यान्सर अस्पताल भरतपुरले भर्ना नलिएपछि उनी चितवन मेडिकल कलेज गएका थिए ।
चितवनमा मेडिकल कलेजमा उपचाररत उनलाई बिहीबार राति कोरोना संक्रमण पुष्टि भएको थियो ।
कोरोना पुष्टि भएपछि उनलाई भरतपुर अस्पताल सारिएको थियो ।
यससँगै नेपालमा कोरोना संक्रमणबाट मृत्यु हुनेहरुको संख्या २८ पुगेको छ ।
यसअघि चितवनमा भरतपुर महानगरपालिका–११ का कोरोना संक्रमितको मृत्यु भएको थियो ।
