गलकोट । बागलुङको निसीखोला गाउँपालिका-६ का वडाध्यक्ष ८६ किलो गाँजासहित पक्राउ परेका छन् ।
निसीखोला गाउँपालिका-६ का वडाध्यक्ष सूर्यबहादुर घर्ती ८६ किलो गाँजासहित पक्राउ परेका हुन् ।
'घरमा लुकाईछिपाई गाँजा राखेको' भन्ने सुराकीका आधारमा शुक्रबार बिहान घर्तीलाई पक्राउ गरिएको प्रहरीले जानकारी दिएको छ ।
इलाका प्रहरी कार्यालय बुर्तिवाङका प्रहरी निरीक्षक प्रकाश सिंह भण्डारीको नेतृत्वमा गएको प्रहरी टोलीले वडाध्यक्ष घर्तीलाई पक्राउ गरी सो परिमाणको गाँजा बरामद गरेको हो ।
थप अनुसन्धानका लागि वडाध्यक्ष घर्तीलाई जिल्ला सदरमुकाम लगिने प्रहरीले जानकारी दिएको छ ।
