कैलाली–सुदूरपश्चिम प्रदेशमा थप ४९ जनामा कोरोना पुष्टि भएको छ । योसँगै सुदूरपश्चिममा संक्रमितको संख्या एक हजार दुई सय १० पुगेको छ ।
आज धनगढी प्रयोगशालामा दिउँसो १२ बजेसम्म भएको परीक्षणमा थप ४९ जनामा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले जानकारी दिए ।
उनका अनुसार धनगढी परीक्षणमा कैलालीको गोदावरी नगरपालिकाका १५ महिला र २९ पुरुषसहित ४४ जना, भजनीकी १९ वर्षीया युवती र कैलालीकै ४२ वर्षीया महिलामा कोरोना पुष्टि भएको हो ।
यस्तै कञ्चनपुरको बेलौरी, बाजुरा र बझाङका एक/एक जना पुरुषमा कोरोना पुष्टि भएको सूचना अधिकारी श्रेष्ठले बताए ।
