पाल्पा । तानसेन नगरपालिका–११ सम्मोबारीमा पहिरोले सवारी साधन बगाउँदा मृत्यु हुनेकाे संख्या ३ पुगेकाे छ ।
तानसेन–तम्घास सडकखण्डको सम्मोबारी नजिकै खसेको पहिरोले गाडी बगाएको जिल्ला प्रहरी कार्यालयका प्रहरी नायब उपरीक्षक मदन गिरीले बताए । पहिरोमा चार वटा सवारी साधन पुरिएकाले प्रहरी, स्थानीयवासी नेपाली सेना उद्धारमा खटिएका छन्।
अविरल वर्षाका कारण खसेको पहिरोले सडकमा गुडिरहेका पानी ट्यांकर, ट्रक र पिकअप जिप र कार पुरिएको छ । सडक तलबाट दुई जनाको शव निकालिएको र एक जना व्यक्तिलाई गम्भीर अवस्थामा उद्दार गरिए पनि मिसन अस्पतालमा उपचारको क्रममा मृत्यु भएको अस्पतालले जनाएको छ। मृतकहरुको पहिचान खुल्न सकेको छैन्।
पछिल्लो जानकारी अनुसार लु १ क १९२८ टयाक्टर, लु २ ख १३७६ नम्वरको ट्रक, र लु १ च ७०४३ नम्वरको बलेरो, लु १ च ७०११ नम्वरको निजी कार पुरिएको पुष्टि भएको छ। सिमसिम पानी परेको र अध्यारो भएकोले उद्धारमा कठिनाई भएको पाल्पा प्रहरीले जनाएको छ।
