भरतपुर । चितवनमा थप पाँच जनामा कोरोना भाइरस (कोभिड–१९) संक्रमित फेला परेका छन् ।
माडी नगरपालिकाका चार जना र भरतपुर महानगरपालिकाका एक जनामा कोरोना संक्रमण पुष्टि भएको हो ।
चितवनको भरतपुरस्थित प्रयोगशालामा गरिएको परीक्षणमा माडी नगरपालिका वडा नं. २, ५, ६ र ८ मा एक–एक जना संक्रमित फेला परेका छन् । उनीहरु ४७, २८, ३४ र ३२ वर्षका पुरुषहरु हुन् ।
यसैगरी भरतपुर महानगरपालिकाको वडा नं. २८ मा २९ वर्षीय पुरुषमा पनि कोरोना संक्रमण पुष्टि भएको बताइएको छ ।
अहिलेसम्म चितवनमा मात्रै ४१ जनामा कोरोना संक्रमण पुष्टि भएको छ ।
यसैबीच, भरतपुरस्थित प्रयोगशालामा गरिएको नमुना परीक्षणका क्रममा पूर्वी नवलपरासीका १६ जनामा कोरोना संक्रमण पुष्टि भएको छ ।
