गण्डकी प्रदेशमा शनिबार साँझ पुन: ५० जना कोरोना संक्रमित थप भएका छन्।
शनिबार बेलुका तनहुँ, बागलुङ, नवलपरासी पूर्व र मुस्ताङमा संक्रमित भेटिएका हुन् ।गण्डकी प्रदेश सरकार स्वास्थ्य निर्देशनालयका निर्देशक डा. बिनोदबिन्दु शर्माका अनुसार तनहुँको ब्यास नगरपालिकामा २७ र ४० वर्षीय पुरुषमा कोरोना संक्रमण भएको छ ।
त्यसैगरि बागलुङको गलकोट नगरपालिका, तारा खोला गाउँपालिका र बडिगाड गाउँपालिकामा २९ जना नयाँ संक्रमित भेटिएका छन्। त्यसैगरि नवलपरासीको मध्य विन्दु नगरपालिकामा १८ जना नयाँ संक्रमित भेटिएका छन् ।
त्यस्तै गण्डकी प्रदेशको मुस्ताङ जिल्लामा पनि नयाँ संक्रमित भेटिएका छन् । मुस्ताङको घरपजोङ गाउँपालिकामा एक जना पुरुषमा पनि कोरोना देखिएको हाे ।
