गुल्मी । गुल्मीमा होम क्वारेन्टाइनमा मृत्यु भएका पुरुषमा कोरोना भाइरस (कोभिड–१९) पोजिटिभ देखिएको छ ।
छत्रकोट गाउँपालिका–५ मैनडाँडा निवासी ६९ वर्षीय पुरुषको बिहीबार राति मृत्यु भएको थियो ।
मृतक पुरुषको स्वाब प्रादेशिक प्रयोगशाला रुपन्देहीमा परीक्षणको लागि पठाइएको थियो ।
परीक्षणको क्रममा उनमा कोरोना संक्रमण पुष्टि भएको जिल्ला स्वास्थ्य कार्यालय गुल्मीका सूचना अधिकारी पशुपति आचार्यले बताए ।
मृतक प्यारालाइसेसको बिरामी थिए । जेठ २५ गते भारतबाट आएर उनी होम क्वारेन्टाइनमा बसेका थिए ।
मृतकको शवलाई शुक्रबार नेपाली सेनाले व्यवस्थापन गरेको थियो ।
