काठमाडौं । नेपालमा पछिल्लो २४ घण्टामा ४२६ कोरोना संक्रमित थपिएका छन् ।
संक्रमितमध्ये ३३८ जना पुरुष र ८८ जना महिला रहेका छन् ।
शुक्रबार स्वास्थ्य तथा जनसंख्या मन्त्रालयको नियिमित प्रेस ब्रिफिङमा मन्त्रालयका प्रवक्ता डा. जागेश्वर गौतमले देशभरका प्रयोगशालामा गरिएको परीक्षणमा ४२६ जनामा कोरोना पोजिटिभ देखिएको बताए ।
योसँगै नेपालमा कोरोना संक्रमितको संख्या आठ हजार २७४ पुगेको छ ।
संक्रमितमध्ये महिलाको संख्या ७०७ र पुरुषको संख्या सात हजार ५६७ रहेको छ ।
पछिल्लो २४ घण्टामा कोरोनालाई जितेर २१६ जना घर फर्किएका छन्।
हालसम्म एक हजार ४०२ जना संक्रमित कोरोना मुक्त भई निको भई घर फर्किएका छन् ।
स्वास्थ्य मन्त्रालयका अनुसार हालसम्म ७४ जिल्लामा कोरोना संक्रमण देखिएको छ ।
नेपालमा अहिलेसम्म कोरोना संक्रमणबाट २२ जनाको मृत्यु भएको छ ।
