रौतहटमा कोरोना भाइरस संक्रमितको संख्या १ हजार नाघेको छ । बुधबार मात्रै १ सय २५ जनामा कोरोना पोजेटिभ रिपोर्ट आएको स्वास्थ्य कार्यालय प्रमुख महेश साहले जानकारी दिएका छन् ।  

योसँगै रौतहटमा संक्रमितको संख्या १ हजार ८६ पुगेको हो । जिल्लामा सबैभन्दा बढी राजपुर नगरपालिकामा २ सय ६२ संक्रमित छन् । कोरोना संक्रमित निको हुनेको संख्या भने २ सय ४७ पुगेको छ ।  

नेपालमा कोरोना संक्रमितको संख्या ७ हजार ७ सय १७ पुगेको छ भने मृतकको संख्या २० पुगेको छ ।