काठमाडौं । चीन–नेपालको सीमा नाका केरुङ एकतर्फी खुल्ने भएको छ ।
करिब ६ महिनादेखि बन्द अवस्थामा रहेको रसुवास्थित सो नाका चीन एकतर्फी रूपमा खुलाउन सहमत भएपछि सो नाका खुल्न लागेको हो ।
ठूलो सङ्ख्यामा ट्रक, कन्टेनरहरू नाकामै रोकिएको भन्दै नेपाल सरकार र उद्योगीको पहलका कारण सो नाका खुल्ने भएको हो ।
यसअघि नेपालको तर्फबाट पटक पटक सो नाका खुलाउन आग्रह गरे पनि चीनले बेवास्ता गर्दै आएको छ ।
अब सो नाकाबाट चीनबाट एकतर्फी रुपमा सामान आए पनि यताबाट केही सामान चीनतर्फ पठाउन नमिल्ने भन्सार विभागजे जनाएको छ ।
उताबाट ल्याइएका सामानलाई नेपालमा ल्याब टेष्टलगायत सम्पूर्ण तयारी भएको विभागले जनाएको छ ।
