पोखरा । गण्डकी प्रदेशमा थप १८ जनामा कोरोना संक्रमण पुष्टि भएको छ । योसँगै गण्डकी प्रदेशमा संक्रमितको जम्मा संख्या २२३ पुगेको छ ।
स्याङ्जाको चापाकोट नगरपालिका घर भएका १८, ३५, ३९ र १८ वर्षका ४ पुरुष, गोरखाको गोरखा नगरपालिका घर भएका ३१ वर्षीया महिला र ३२, ३५, २१, २६, ५३, २९ र २५ वर्षका ७ पुरुष, गोरखाकै बारपाक सुलीकोट गाउँपालिकाका ५३ र २५ वर्षका २ महिला, नवलपुर बिनयत्रिवेणी गाउँपालिकाका १ जना १८ वर्षीय पुरुष, मध्यबिन्दु नगरपालिकाका १९ वर्षीय पुरुष, कास्कीको पोखरा महानगरपालिकाका २१ वर्षीय पुरुष र बागलुङको ताराखोला गाउँपालिकाका ३४ वर्षीय पुरुषमा कोरोना पुष्टि भएको हो ।
मंगलबार बिहान गण्डकी प्रदेश स्वास्थ्य निर्देशनालयले विज्ञप्ति जारी गरेर यसबारे जानकारी दिएको हो ।
थपिएका सबै संक्रमित भारतबाट फर्किएका व्यक्ति रहेको बताइएको छ ।
संक्रमित सबैलाई स्थानीय आइसोलेसन कक्षमा लैजाने तयारी भइरहेको गण्डकी प्रदेश स्वास्थ्य निर्देशनालयले जानकारी दिएको छ ।
यसैबीच, देशभर कोरोना संक्रमितको संख्या ६ हजार नाघेको छ ।
