काठमाडौं । कैलालीको लम्कीचुहा नगरपालिकामा क्वारेन्टाइनमै एक महिलामाथि बलात्कार भएको छ । उक्त घटनाका आरोपी तीन जनालाई प्रहरीले पक्राउ गरेको छ ।

आइतबार दिउँसो पीडित महिलाका आफन्तले घटनाबारे प्रहरीलाई खबर गरेको प्रहरीले जनाएको छ । पक्राउ पर्नेमा क्वारेन्टाइनमा खटिएका स्वास्थ्यकर्मी र स्वयंसेवक रहेको प्रहरीको भनाइ छ ।

लम्कीचुहा नगरपालिका– १ की ३१ वर्षीया महिला शहिद स्मृति माध्यमिक विद्यालयस्थित क्वारेन्टाइनमा बस्दै आएकी थिइन् । घटनाबारे थप अनुसन्धान भइरहेको प्रहरीले जनाएको छ ।