अर्घाखाँचीको क्वारेन्टाइनमा बसेका एक जना पुरुषको मृत्यु भएको छ ।
मालारानी गाउँपालिका–४ ब्याडापाटाको सार्वजनिक आधारभूत विद्यालयस्थित क्वारेन्टाइनमा बसेका ५७ बर्षका यमप्रसाद खनालको मृत्यु भएको हो ।
स्वास्थ्यमा समस्या आएपछि बुटवलमा उपचार गराएर फर्किने क्रममा बुधबार उनको मृत्यु भएको हो ।
उनी १२ दिनअघि भारतको महाराष्ट्रबाट आएर क्वारेन्टाइनमा बस्दै आएका थिए ।
स्वासप्रश्वासमा समस्या आएपछि उनलाई लुम्बिनी प्रादेशिक अस्पताल बुटवलमा लगिएको थियो ।
उपचार गरेर घर फर्कदै गरेका उनको गोरुसिंगे–सन्धिखर्क सडकको कोन्द्रे खोलामा मृत्यु भएको हो ।
उनको जेठ २१ गते स्वाब संकलन गरी परीक्षणका लागि पठाइएको र रिपोर्ट आउन बाँकी रहेको जिल्ला स्वास्थ्य कार्यालय अर्घाखाँचीले जनाएको छ ।