काठमाडौं । आज पहिलो पटक इलाममा १ जनामा काेरोना संक्रमण देखिएकाे छ ।
आज इलामका व्यक्तिमा पनि कोरोना संक्रमण पुष्टि भएसँगै कोरोना भाइरसको संक्रमण फैलिएका जिल्लाको संख्या ७२ पुगेको हो ।
जिल्ला प्रशासन कार्यालय इलामका सूचना अधिकारी सफल पोर्तेलका अनुसार सूर्योदय नगरपालिकाका २६ वर्षीय पुरुषमा पहिलाे पटक काेरोना संक्रमण देखिएकाे हाे ।
संक्रमित पुरुष गत जेठ १८ गते भारतबाट आएकाे सूचना अधिकारी पोर्तेलले नेपाल फ्ल्यासलाई बताए । उनका अनुसार झापाकाे हाेल्डिङ सेन्टरमा बसेर इलाम आएका १२ जनामध्ये बाँकी सबैकाे नेगेटिभ भएकाे सूचना अधिकारी पोर्तेलले बताए ।
जिल्ला प्रशासन कार्यालय इलामका अनुसार संक्रमितकाे अवस्था सामान्य रहेकाे र अहिले उनलाई माेरङकाे गोठगाउँमा रहेकाे आइसाेलेशनमा पठाइसकिएकाे छ ।
