सुर्खेत । कर्णाली प्रदेशमा एकैदिन (शनिबार) थप ९८ जनामा कोरोनाभाइरस संक्रमण पुष्टि भएको छ ।
थप संक्रमितहरुमा सल्यानका ३८ जना, सुर्खेतका ९ जना, जाजरकोटका ४ जना, दैलेखका ४६ र डोल्पाका १ जना रहेका छन् ।
कर्णाली प्रदेशको सामाजिक विकास मन्त्रालयका अनुसार प्रदेश अस्पताल सुर्खेतको पशुपन्छी रोग अन्वेषण प्रयोगशाला र कर्णाली स्वास्थ्य विज्ञान प्रतिष्ठानमा गरिएको परीक्षणमा सो संख्यामा संक्रमित पुष्टि भएको हो ।
पुष्टि भएकामध्ये डोल्पाका संक्रमितको भने मृत्यु भएको छ । उनको जेठ २० गते मृत्यु भएकोमा संकलित स्वाबको नमुना कर्णाली स्वास्थ्य विज्ञान प्रतिष्ठानमा परीक्षण गर्दा रिपोर्ट पोजेटिभ आएको हो ।
हालसम्म कर्णाली प्रदेशमा कोरोनाबाट मृत्यु हुनेको संख्या ३ पुगेको छ भने संक्रमितको जम्मा संख्या ५८७ पुगेको छ ।
