काठमाडौं । रुकुम–जाजरकोट घटनासँगै दलित र गैरदलितको बहसले प्रहरीभित्र दलित सेल खोल्न निर्देशनसम्म पुर्याएको छ ।
मंगलबार प्रतिनिधिसभाको कानुन न्याय तथा मानवअधिकार समितिले नेपाल प्रहरीमा यस्तै दलित सेल खोल्न निर्देशन दिएको छ ।
नेपाल प्रहरीभित्र महिला सेल रहेको र त्यसले महिला हिंसा कम गर्न महत्वपूर्ण भूमिका खेलेको बताउँदै सांसदरुले त्यस्तै खालको सेल स्थापना गरेर दलितविरुद्धको अभियान सफल बनाउनुपर्ने जोड दिएका छन् ।
यसैगरी समितिले शृंखलाबद्ध रुपमा दलितमाथि भइरहेका आक्रमणलाई ख्याल गर्दै तत्काल यस खालका विभेदविरुद्ध महाअभियान चलाउन निर्देशन दिएको छ ।
समिति सभापति पोखरेलले दलितमाथि पटकपटक विभेद भएको बताउँदै शृंखलाविरुद्ध हुने विभेद अन्त्य गर्ने गरी सरकारको तर्फबाट महाअभियान चलाउन माग गरिन् ।
सो समिति बैठकको छलफलमा गृहमन्त्री रामबहादुर थापा, महान्यायाधिवक्ता अग्नि खरेल, प्रहरी महानिरीक्षक ठाकुर ज्ञवालीको सहभागिता थियो ।
