काठमाडौं । नेपालमा साेमबार २२६ जनामा काेराेना संक्रमण देखिएकाे छ ।
स्वास्थ्य तथा जनसंख्या मन्त्रालयका अनुसार आज झापाका २ जना, नवलपरासीका ३ जना, दैलेखका ४१ जना, जुम्लाका १९ जना, सल्यानका १० जना र सुर्खेतका ५ जना संक्रमित थप भएका हुन् ।
त्यस्तै स्वास्थ्य तथा जन संख्या मन्त्रालयका प्रवक्ता विकास् देवकाेटाका अनुसार कपिलबस्तुका ४० जना, रौतहटका १८ जना, बाँकेका ७ जना, दाङका ९ जना, धनुषाका ७ जना, महाेत्तरीका २ जना थप भएका हुन् ।
साथै मकवानपुरका १ जना, सर्लाहीका ३८ जना, सिराहाका ५ जना, उदयपुरका १ जना, कैलालीका १ जना, कन्चनपुर १ जना र बैतडीका १ जना गरी एकैदिन २२६ जना थप भएका हुन् ।
याे संक्रमित सँख्या अहिलेसम्मकै उच्च हाे । यो सँगै नेपालमा कुल संक्रमितको १ हजार ७९८ जना पुगेको छ ।
