काठमाडौं । काठमाडौं जिल्ला संघका अध्यक्ष गंगा सुनारले रुकुम–जाजरकोट घटनाको छानबिन गरी यथार्थता बाहिर नल्याए कडा आन्दोलन गर्ने चेतावनी दिएका छन् ।
नेपाल दलित संघले काठमाडौंको माइतीघर मण्डलामा गरेको प्रदर्शनमा उनले यस्तो बताएका हुन् ।
साथै, अध्यक्षले जातीय छुवाछूतकै कारण घटना भएकाले पीडकलाई तत्काल सजायको माग गर्दै प्रदर्शन गरिएको बताए ।
सोमबार माइतीघर मण्डलामा दलितमाथिको भेदभाव अन्त्य गर, मानिस ठूलो दिलले हुन्छ, जातले हुँदैन, वर्ण विभेद अन्त्य गरजस्ता नारासहितका प्लेकार्ड लिएर आन्दोलनमा उत्रेका थिए ।
संघले सोमबार नै जिल्ला प्रशासन कार्यालयमा ज्ञापनपत्र समेत बुझाएको छ ।
यसका अलवा प्रदर्शनकारीले गृहमन्त्री रामबहादुर थापा (बादल) को राजीनामासमेत माग गरेका छन् ।
रुकुम घटनामा जाजरकोटका नवराज विक सहित पाँचजनाको मृत्यु भएको थयो भने अर्का एक अझै बेपत्ता छन् ।
