काठमाडौं । नेपालमा कोरोना संक्रमणबाट थप २ जनाको मृत्यु भएको स्वासथ्य तथा जनसंख्या मन्त्रालयले पुष्टि गरेकाे छ ।
दैलेखका ३५ वर्षीय युवक र बाजुराकी २ वर्षीय बालिकाकाे मृत्यु भएकाे स्वास्थ्य तथा जनसंख्या मन्त्रालयले जनाएको छ ।
दैलेख जिल्लाको दुल्लु नगरपालिका –७ मा रहेकाे क्वारेन्टाइनमा ३५ वर्षीय पुरुषको शनिवार मृत्यु भएको थियो । त्यस्तै बाजुराकी २ वर्षीया बालिकाको शनिवार राति २:३० बजे मृत्यु भएको मन्त्रालयले पुष्टि गरेको हाे । पछिल्लाे समय मृत्यु भएकाे दुवै जना भारतबाट आएका मन्त्रालयले जनाएकाे छ ।
यससँगै नेपालमा कोरोनाको कारण मृत्यु हुनेको संख्या ८ पुगेको छ ।