स्याङजा । गण्डकी प्रदेशको स्याङ्जा जिल्लामा पहिलोपटक कोरोना संक्रमण पुष्टि भएको छ ।
स्वास्थ्य मन्त्रालयको नियमित नियमित पत्रकार सम्मेलनमा प्रवक्ता डाक्टर विकास देवकोटाले स्याङ्जामा पहिलोपटक कोरोना संक्रमण पुष्टि भएको जानकारी दिए ।
मंगलबार पोखरामा गरिएको स्वाब परीक्षणका क्रममा स्याङ्जाको वालिङका दुई जना पुरुषमा कोरोना संक्रमण पुष्टि भएको उनले बताए ।
स्वास्थ्य मन्त्रालयका अनुसार उनीहरुको स्वास्थ्यअवस्था सामान्य रहेको छ भने उनीहरु सबै चिकित्सकको निगरानीमा छन् ।
सीमा नाकाबाट उद्धार
संक्रमित दुई जनालाई चार दिनअघि भारतीय सीमा नाकाबाट उद्धार गरिएको वालिङ नगरपालिकाका प्रमख दिलिपप्रताप खाँडले जानकारी दिए ।
वालिङ नगरपालिकाले सुनौली नाकाबाट चार दिनअघि ७ जनालाई (गाडी पठाएर) उद्धार गरेको थियो । भारतको दिल्लीबाट उनीहरु रेलमार्फत सुनौली नाकासम्म आइपुगेका थिए ।
