काठमाडौं । मौसम पूर्वानुमान महाशाखाले मंगलबार नेपालका पूर्वी भूभाग आसपासमा निम्न चापीय प्रणाली र स्थानीय वायुको पनि प्रभाव पर्ने बताएको छ ।
महाशाखाले देशको पहाडी भूभागका केही स्थानमा आंशिक बदली हुने र बाँकी भूभागमा मौसम सामान्यतया सफा रहने उल्लेख गरेको छ ।
यसैगरी, मंगलबार दिउँसो देशको पूर्वी तथा मध्य भूभागलगायत पश्चिमी पहाडी भूभागमा अपरान्हपश्चात सामान्य बदली हुने र बाँकी भूभागमा मौसम सामान्यतया सफा रहने महाशाखाले जनाएको छ ।
त्यस्तै, मध्य तथा पूर्वी भूभागका थोरै स्थान र पश्चिमी पहाडी भूभागका एक÷दुई स्थानमा मेघगर्जन, चट्याङ, हावाहुरीसहित वर्षाको सम्भावना रहेको महाशाले पूर्वानुमान गरेको छ ।
महाशाखाले देशको रातको समयमा पूर्वी तथा मध्य भूभागमा सामान्य बदली रहने जनाएको छ ।
पश्चिमी पहाडी भूभागहरुमा आंशिक बदली हुने र बाँकी भूभागमा मौसम सामान्यतया मौसम सफा रहने मौसम पूर्वानुमानले जनाएको छ ।
त्यसैगरी, महाशाले पूर्वी र मध्य भूभागका थोरै स्थानका साथै पश्चिमी पहाडी भूभागका एक÷दुई स्थानमा मेघगर्जन, चट्याङ, हावाहुरीसहित वर्षाको सम्भावना रहेको बताएको छ ।
