काठमाडौँ । हाल देशमा पश्चिमी न्यून चापीय प्रणालीको आंशिक प्रभाव र स्थानीय वायुको प्रभाव साथै तथा बंगालको खाडीवाट भित्रिएको जलवाष्पयुक्त वायुको सामान्य प्रभावले तीनदिन सम्म माैसम प्रतिकुल रहने मौसम पूर्वानुमान महाशाखाले जनाएको छ ।
हाल पश्चिमी भुभागहरूमा बदली भई हावाहुरी, मेघ गर्जन र चट्याङ सहित केहि स्थानहरूमा वर्षा भइरहेको छ र बाँकी भुभागमा सामान्य सफा रहेकाे महाशाखाले जानकारी दिएको छ ।
आईतबारकाे माैसम
देशको पश्चिमी भूभाग लगायत मध्य र पुर्वका पहाडी भूभागमा सामान्य बदली रहनेछ भने बाँकी भूभागमा आंशिक बदली रहनेछ । पश्चिमी भूभागका केही स्थानहरूमा साथै मध्य र पुर्वका एक दुई स्थानहरूमा मेघगर्जन/ चट्याङ्ग/असिना र हावाहुरीसहित वर्षाको सम्भावना रहेको छ।
रातीः देशको पश्चिमी भुभागमा सामान्य बदली रहि बाँकी भुभागमा आंशिक बदली रहनेछ । पश्चिमी भुभागका थोरै स्थानहरूलगायत मध्य र पुर्व १-२ स्थानहरूमा मेघगर्जन/चट्याङ्ग/ असिना र हावाहुरीसहित वर्षाको सम्भावना रहेको छ ।
साेमबारकाे माैसम
दिउँसोः देशको अधिकांश भूभागमा सामान्य बदली रहनेछ। देशको पहाडी भुभागका केही स्थानहरू र तराईका थोरै स्थानहरूमा मेघगर्जन/चट्याङ्ग/असिना र हावाहुरी सहित वर्षाको सम्भावना रहेको छ ।
रातीः देशको अधिकांश भूभागमा सामान्य बदली रही थोरै स्थानहरूमा मेघगर्जन/चट्याङ्ग/असिना र हावाहुरीसहित वर्षाको सम्भावना रहेको छ ।
मंगलबारकाे माैसम
दिउँसोः देशको केही स्थानहरूमा मेघगर्जन/चट्याङ्ग/असिना र हावाहुरी सहित वर्षा को सम्भावना रहेको छ ।
रातीः पूर्वी भूभागका केही स्थानहरू, मध्य भुभागका थोरै स्थानहरू र पश्चिमी भुभागका १-२ स्थानहरूमा मेघगर्जन/ चट्याङ्ग/असिना र हावाहुरीसहित वर्षाको सम्भावना रहेको छ ।
