काठमाडौं । हाल देशमा पश्चिमी वायुको सामान्य प्रभाव रहेको छ भने स्थानीय वायु तथा बंगालको खाडीसमेत जलवाष्पयुक्त वायु नेपालमा प्रवेश गरिरहेको छ ।
यसले गर्दा हाल देशको पश्चिमी तथा पूर्वी पहाडी भू–भागमा सामान्य बदली र बाँकी भू–भागमा मौसम सामान्यतया सफा रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
देशको पहाडी भू–भागका केही स्थानहरूमा साथै तराईका एक–दुई स्थानमा मेघगर्जन, चट्याङ, असिना र हावाहुरी सहित वर्षाको सम्भावना रहेकोले आवश्यक सतर्कता अपनाउन हुन अनुरोध महाशाखाले अनुरोध छ । बुधबार देशभर बिहानपख आंशिक बदली र दिउँसो पश्चात सामान्य बदली रहनेछ ।
देशको पहाडी भू–भागका केहि स्थानहरूमा साथै तराईका थोरै स्थानमा मेघगर्जन, चट्याङ, असिना र हावाहुरी सहित वर्षाको सम्भावना रहेको छ ।
बिहीबार देशभर बिहानिपख आंशिक बदली र दिउँसो पश्चात सामान्य बदली रहनेछ । देशको पहाडी भू–भागका केहि स्थानहरूमा साथै तराईका एक–दुई स्थानमा मेघगर्जन, चट्याङ सहित वर्षाको सम्भावना रहेको छ ।
शुक्रबार मध्य तथा पूर्वी भू–भागमा सामान्य बदली रही बाँकि भू–भागमा आंशिक बदली रहनेछ । देशको पुर्वी र मध्य भू–भागका थोरै स्थानहरूका साथै पश्चिमी भू–भागका १–२ स्थानहरूमा मेघगर्जन, चट्याङ, असिना र हावाहुरी सहित वर्षाको सम्भावना रहेको छ ।
