बारा । भारतीय सीमा सुरक्षा बल (एसएसबी) का जवानले नेपाली नागरिकमाथि हातपात गरेपछि बाराको सीमा क्षेत्रमा झडप भएको छ ।
विश्रामपुर गाउँपालिका–४ का स्थानीय वासिन्दालाई सोमबार हातपात गरेकाे थियो । सोही विषयलाई लिएर दुवैतर्फका बासिन्दासमेत सीमा क्षेत्रमा जम्मा भई झडपमा उत्रिएका थिए । सो क्रममा १०/१२ जना घाइते भएको विश्रामपुर गाउँपालिकाका मेयर अमिरीलाल राउतले जानकारी दिए ।
सामान्य विवाद भए पनि कोरोना संक्रमणका कारण सर्वत्र सन्त्रास भएको समयमा यस्ता घुसपैठले अनेक आशंका हुने भएपछि दुवैतर्फका स्थानीयबासी नै आपसमा झडपमा उत्रिएको प्रहरीको भनाइ छ ।दुवै देशका सुरक्षा अधिकारी घटनास्थलमा पुगेर आ–आफ्ना देशका नागरिकलाई सम्झाउँदै स्थिति नियन्त्रणमा लिएका हुन्