पूर्वी सुर्खेतको गुर्भाकोट नगरपालिकाको सभागृहमा सञ्चालित क्वारेन्टाइनको सुरक्षामा खटिएका सशस्त्र प्रहरी बलका सहायक निरीक्षक बेपत्ता भएका छन् । जिल्ला प्रहरी कार्यालय सुर्खेतका अनुसार सशस्त्र प्रहरी सुरक्षा बेस क्याम्प गुल्मीमा कार्यरत प्रसनि भूपाल कार्की शुक्रबार साँझ बेपत्ता भएका छन् । 

जिल्ला प्रहरी कार्यालयका सूचना अधिकारी गोपाल रायमाझीले काम सकेर मेहेलकुना खैरेनीस्थित भेरी नदीमा नुहाउने क्रममा  बेपत्ता भएको जानकारी दिए । उनको खोजीका लागि सशस्त्र प्रहरीको गोताखोर तथा नेपाल प्रहरीको टोली परिचालन गरिएको छ । असई कार्की गुर्भाकोट–६ कै स्थायी बासिन्दा हुन् ।