काठमाडौं । काठमाडौंमा रहेका रुसी नागरिक स्वदेश फर्किएका छन् ।
काठमाडौंमा रहेका आफ्ना नागरिक लिन रुसको रोयल फ्लाइट एयरलाइन्सको जहाज काठमाडौं आएका थिए ।
सोमबार १ सय १० जना रुसी नागरिक लिएर उक्त विमान ठमाडौंबाट १२ः४० बजे मस्कोका लागि उडेको हो । लकडाउनमा आफ्नो देश जान पाउँदा रुसी नागरिकहरु निकै खुशी देखिएका थिए ।
नेपालले अन्तर्राष्ट्रिय उडानमा गरेको प्रतिबन्ध र आन्तरिक रूपमा घोषणा गरेको लकडाउनका कारण विदेशी नागरिक नेपालमै फसेका थिए ।
लकडाउनयता नेपालबाट ४ हजारभन्दा बढी विदेशी नागरिक चार्टर्ड उडानबाट आफ्नो मुलुक फर्किसकेका छन् ।
