रौतहट । एक महिनाअघि कतारबाट फर्किएर घरमै बसेका एक युवकलाई प्रहरी र सहितको चिकित्सक टोलीले क्वारेन्टाइनमा लगेर राखेको छ ।
उनी गत चैत ४ गते कतार एयरबेजको फ्लाइट क्युआर ६४४ बाट नेपाल फर्किएका थिए ।
उक्त फ्लाइटबाट नेपाल आएकाहरुको अवस्था पत्ता लगाउने क्रममा प्रहरीले चन्द्रपुर नगरपालिका १ वाग्मतीबाट उनलाई नियन्त्रणमा लिएर क्वारेन्टाइनमा लगेको हो ।
कतार एयरबेजका सो फ्लाइटमा चढेका केही नेपालीमा कोरोना संक्रमण देखिएपछि प्रहरी प्रधान कार्यालयले सबैको खोजीका लागि देशभरिकै प्रहरी युनिटलाई पत्राचार गरेको थियो ।
इलाका प्रहरी कार्यालय चन्द्रनिगाहपुरका अनुसर, युवामा आरडिटी र्यापिड डाइग्नोस्टिक टेस्ट) विधिबाट परीक्षण गर्दा नेगेटिभ देखिएको र आज पुनः स्वाब परीक्षण गरिने छ ।
सोही विमानबाट आएका रौतहट रंगपुरका अर्का व्यक्तिको पनि खोजी भइरहेको इलाका प्रहरी कार्यालय चन्द्रपुरले जनाएको छ ।
