काठमाडौं । पेप्सीकोलास्थित सनसिटी अपार्टमेन्टमा र्यापिड डाइगोनेस्टिक टेस्ट (आरडीटी) किटबाट कोरोना भाइरस परीक्षण सुरु भएको छ ।
बुधबार बिहानदेखि (आरडीटी) विधिबाट परीक्षण सुरु भएको हो ।
मंगलबार ब्लक ‘ए’ मा बस्दै आएका एक महिला र एक पुरुषमा कोरोना संक्रमण पुष्टि भएको थियो ।
आज (बुधबार) ब्लक ‘ए’ का २४२ जनाको परीक्षण गरिने बताइएको छ ।
स्वास्थ्य अवस्था कमजोर भएका, ज्येष्ठ नागरिकहरूलाई प्राथमिकता दिएर परीक्षण भइरहेको छ ।
सनसिटीमा पाँच वटा ब्लक छन् । त्यहाँ ५ सय परिवारका करिब १ हजार ५ सय जना बस्दै आएका छन् ।
