गोरखा । गोरखाका एक युवामा र्यापिड डायग्नोष्टिक टेष्ट (आरडिटी) किटबाट कोरोना भाइरस परीक्षण गर्दा पोजेटिभ आएको छ ।
आरुघाट गाउँपालिका–५ का एक ३१ वर्षीय युवामा कोरोना पोजेटिभ देखिएको हो ।
उनी गत फागुन २३ गते बहराइनबाट नेपाल आएका थिए । विदेशबाट फर्किएको ४० दिनपछि उनमा संक्रमण देखिएको हो।
उनको स्वाब परीक्षणका लागि प्रदेश जनस्वास्थ्य प्रयोगशाला पोखरा पठाइएको छ।
किटबाट परीक्षण गर्दा पोजिटिभ देखिए पनि उनमा कोरोनाको लक्षण नदेखिएको र उनी बिरामी पनि नभएको जिल्ला स्वास्थ्य कार्यालयले जानकारी दिएको छ ।
आरुघाटमा विदेशबाट आएका सबैको परीक्षण गरिँदा उनको मात्रै पोजिटिभ देखिएको हो।
यसैबीच, उनीसँगै विदेशबाट आएका अर्का एक व्यक्तिको पनि स्वाब परीक्षणका लागि पोखरा पठाइएको छ।
