काठमाडौं । काठमाडौंको पेप्सीकोलास्थित सनसिटी अपार्टमेन्टबाट अस्पताल भर्ना गरिएका दुई जनामा कोरोना संक्रमण पुष्टि भएको छ ।
एकजनाको भने रिपोर्ट आउन बाँकी रहेको स्वास्थ्य मन्त्रालय स्रोतले जनाएको छ ।
२८ दिनअघि बेलायतबाट आएका दुईजनामा कोरोना संक्रमण भएको पुष्टि भएको हो । हिजो (सोमबार) कोरोनाको शंकामा उनीहरुलाई अस्पताल भर्ना गरिएको थियो ।
सोमबार गरिएको र्यापिड टेष्टमा उनीहरुमा कोरोना संक्रमणको आशंका गरिएको थियो । त्यसलगत्तै सनसिटी अमार्टमेन्टलाई सिलबन्दी गरेर स्वाब संकलन गरिएको थियो ।
उनीहरु तीनजनाको अहिले पाटन अस्पतालमा उपचार भइरहेको छ ।