काठमाडौं । काठमाडौं उपत्यकाको विभिन्न स्थानमा दुई जना महिलाको शव फेला परेको छ ।
काठमाडौं, कागेश्वरी मनहरा नगरपालिका–८ थिकल चोक बस्दै आएकी २६ वर्षीया अस्मिता तोलाङगी मंगलबार बिहान मृत अवस्थामा फेला परेको प्रहरीले जानकारी दिएको छ ।
प्रहरीका अनुसार, सिन्धुली कोसीपारी गाउँपालिका–८ घर भएकी अस्मिता सोमबार राति खाना खाएर सुतेकी उनी मंगलबार बिहान मृत फेला परेकी हुन् ।
यसैबीच, ललितपुरको बागमती गाउँपालिका–२ बघुवापुलस्थित किनारमा करिब ५५ वर्षीया महिला सोमबार साँझ मृत अवस्थामा फेला परेकी छन् ।
उनको नाम, थर, वतन खुल्न बाँकी रहेको प्रहरीले जनाएको छ ।
यस घटनाको सम्बन्धमा प्रहरीले अनुसन्धान गरिरहेको छ ।
