बाग्लुङ । बाग्लुङमा विदेशबाट फर्किएकाहरूको पहिचान गर्दै ८५८ जनाको र्यापिड टेस्ट एक महिलाको रिपोर्ट शंकास्पद (पोजेटिभ) देखिएपछि पुनः परीक्षणका लागि पोखरा पठाइएको छ ।
र्यापिड टेष्टका क्रममा शंकास्पद देखिएपछि महिलालाई काडेखोला गाउँपालिकाकाे क्वारेन्टिनमा राखिएको गाउँपालिकाका प्रमुख प्रशासकीय अधिकृत खिमबहादुर विकले जानकारी दिए । स्वाब परिक्षणको रिपोर्ट आएपछि कोरोना भएनभएको थप प्रष्ट हुने छ ।
आइतबार गरिएको नमुना परीक्षणमा एकजना महिलाको नमुना परीक्षणको रिपोर्ट पोजेटिभ देखिएको हाे । जनस्वास्थ्य अधिकृत सुरज गुरौका अनुसार आरडिटीमा पोजेटिभ देखिए पनि पिसिआरबाट परिक्षण गरेर मात्रै कोरोना संक्रमण भए/नभएको भन्ने पुष्टि हुन्छ ।
