वीरगञ्ज । वीरगञ्जको छपकैया क्षेत्रमा रहेका मस्जिदबाट २६ जनालाई क्वारेन्टाइनमा राखिएको छ ।
वीरगञ्जमा भेटिएका तीन जना कोरोना संक्रमित भारतीय नागरिकसँग भेट गरेका २६ जनालाई क्वारेन्टाइनमा राखिएको हो ।
जिल्ला प्रहरी कार्यालय पर्साका अनुसार उनीहरुलाई शनिबार बेलुका नियन्त्रणमा लिएर वीरगञ्जस्थित सिद्धार्थ माविस्थित क्वारेन्टाइनमा राखिएको हो ।
वीरगञ्ज–२ छपकैया घुसुकपुरस्थित हजरत बिलाल मस्जिदबाट १० जना जमाती, तीन जना मौलाना र २ जना स्थानीयलाई र छपकैयाको मक्की जामे मस्जिदबाट ११ जनालाई नियन्त्रणमा लिएर क्वारेन्टाइनमा राखिएको हो ।
कोरोना पोजेटिभ देखिएका तीनै जना (भारतीय नागरिक) जामे मस्जिदमै रहँदै आएका थिए ।
