काठमाडौं । मौसम पूर्वानुमान महाशाखाले हाल देशमा स्थानिय वायुको प्रभाव रहेको जनाएको छ । महाशाखाका अनुसार हाल देशको पूर्वी भू–भागमा सामान्य बदली रहि बाँकी भू–भागमा मौसम सामान्यतया सफा रहेको छ ।
आइतबार दिउँसो देशको पहाडी भू–भागमा आंशिक बदली रही बांकी भू–भागमा मौसम सामान्यतया सफा रहने महाशाखाले जारी मौसम पूर्वानुमानमा उल्लेख छ ।
अपरान्हपछि पहाडी भू–भागका एक–दुई स्थानमा मेघगर्जन, चट्याङसहित क्षणिक वर्षाको सम्भावना रहेको पूर्वानुमानमा जनाइएको छ ।राति भने देशको पहाडी भू–भागमा आंशिक बदली रही बांकी भू९भागमा मौसम सामान्यतया सफा रहने छ ।