कपिलवस्तु । कपिलवस्तु जिल्ला अस्पतालमा उपचाररत एक युवकको मृत्यु भएको छ।
कोरोना भाइरस (कोभिड १९) संक्रमण आशंकामा उनी अस्पताल भर्ना भएका थिए ।
शुक्रबारदेखि उनी अस्पतालको आइसोलेसनमा थिए ।
कपिलवस्तु विजयनगर गाउँपालिका–२, जलैयाका ३० वर्षीय गोवर्द्धन भरको सोमबार राति मृत्यु भएको अस्पतालले जनाएको छ ।
अस्पतालका अनुसार, उनको स्वाब परीक्षणका लागि बुटवल पठाइएको छ ।
उनको रिपोर्ट आउन बाँकी रहेको कपिलवस्तु अस्पतालका चिकित्सकले बताएका छन्।
रिपार्ट आएपछि शवलाई परिवारको जिम्मा लगाइने अस्पतालले जनाएको छ।