काठमाडौं । मौसम पूर्वानुमान महाशाखाका अनुसार, हाल नेपालमा कुनै उल्लेखनीय मौसमी प्रणाली रहेको छैन ।
अहिले (मंगलबार बिहान) देशको पूर्वी पहाडी भूभागमा आंशिक बदली रही बाँकी भूभागमा मौसम सामान्यतया सफा रहेको छ।
आज दिउँसो देशको पश्चिमी भूभागमा आंशिक देखि सामान्य बदली र मध्य र पूर्वका पहाडी भूभागमा आंशिक बदली रही बाँकी भूभागमा मौसम सामान्यतया सफा रहने छ।
त्यस्तै आज राति देशको पश्चिमी भूभागमा सामान्य बदली, मध्य र पूर्वका पहाडी भूभागमा आंशिक बदली रही बाँकी भूभागमा मौसम सामान्यतया सफा हुने देखिन्छ।
पश्चिमी भूभागका केही स्थानमा र मध्य र पूर्वका पहाडी भूभागका एक–दुइ स्थानमा मेघ गर्जन, हावाहुरी सहित वर्षा हुन सक्ने छ।
हिमाली भूभागका केही स्थानमा हल्का हिमपातको सम्भावना रहेको महाशाखाले जनाएको छ ।
