काठमाडौं । पाटन अस्पतालमा उपचाररत एक बिरामीको मृत्यु भएको छ।
धादिङ खनियाबासका ३६ वर्षीय बिरामीको आज (सोमबार) मृत्यु भएको अस्पतालले जानकारी दिएको छ ।
दुई दिनदेखि ज्वरो आएपछि उनलाई आइतबार पाटन अस्पतालमा भर्ना गरिएको थियो ।
उनको आइसियूमा उपचारको क्रममा मृत्यु भएको अस्पतालले बताएको छ ।
३६ वर्षका ती बिरामी भारतबाट फागुन १४ गते नेपाल आएका थिए।
कोरोना संक्रमणको आशंकामा उनलाई अस्पतालमा भर्ना गरिएको थियो । अस्पताल स्रोतका अनुसार, बिरामीको स्वास्थ्य परीक्षणको रिपोर्ट आज (सोमबार) साँझसम्म आइसक्ने छ ।
स्वास्थ्य रिपोर्ट आएपछि मात्र उनको मृत्युको कारण पुष्टि हुने अस्पतालले जनाएको छ।
