काठमाडौं । कोरोना भाइरस संक्रमण नियन्त्रणको लागि नेपाल सरकारले एक सातासम्म लकडाउन घोषणा गरेको छ ।
नेपालमा कोरोना भाइरस संक्रमितको पुष्टि हुनासाथ सरकारले लकडाउन घोषणा गरेको हो ।
यसैबीच, नेपालमा कोरोना भाइरस नियन्त्रणमा चीनले साथ दिने बताएको छ ।
नेपालका लागि चिनियाँ राजदूत होउ यान्छीले चीन नेपालको साथमै रहेको उल्लेख गरेकी छिन् ।
सामाजिक सञ्जाल ट्विटरमा एक पोस्ट गर्दै उनले चीनले नेपालको लागि प्रार्थना गरिरहेको बताएकी छिन् । नेपालमा चिकित्सा सामग्री सहयोग गर्नका लागि प्रयास गरिरहेको यान्छीले जानकारी दिएकी छन् ।
We are praying for Nepal and trying our best to coordinate some medical materials to help our Nepali friends. You will never be alone!🇨🇳🇳🇵
— Ambassador Hou Yanqi (@PRCAmbNepal) March 23, 2020
हामी नेपालका लागि प्रार्थना गर्दैछौँ । हाम्रा नेपाली साथीहरूलाई सहयोग पुर्याउन चिकित्सा सामग्रीहरू ककेसम्म मिलाउँदै छौँ । हामी साथमा छौँ ! pic.twitter.com/cKwTVNBgrt
गत डिसेम्बरमा चीनको हुबेई प्रान्तबाट फैलिएको कोरोना भाइरसले अहिले संसारभर महामारीको रुप लिएको छ ।
यसैबीच कोरोना विरुद्धको लडाइँमा चीनले ठूलो सफलता हात पारेको छ । पछिल्ला पाँच दिनदेखि चीनमा नयाँ संक्रमित नभेटिएको बताइएको छ ।
चीनमा कोरोना भाइरस संक्रमणबाट ३ हजार २ सय ७७ व्यक्तिको मृत्यु भइसकेको छ।