काठमडौं । नेपाल सरकारले घोषणा गरेको प्रतिबन्ध उल्लंघन गर्दै विदेशी विमान कम्पनीमार्फत् ६१ जना नेपाली काठमाडौं आइपुगेका छन् ।
दुबई कतारलगायत देशमा रहेका उनीहरु अन्यत्र ट्रान्जिट बनाएर नेपाल आएका हुन् ।
यसअघि यसरी नेपाल आउने विदेशी नागरिकलाई फर्काउने गरिएको थियो ।
सरकारले उनीहरुलाई खरिपाटीस्थित नेपाल विद्युत् प्राधिकरणको तालिम केन्द्रस्थित क्वारेन्टाइनमा राखेको छ ।
सरकारको प्रतिबन्धलाई उल्लंघन गर्दै थाइ एयरवेजले ४९ र एयर इण्डियाले १२ जना नेपालीलाई त्रिभुवन अन्तर्राष्ट्रिय विमानस्थलमा ल्याएको अध्यागमन विभागले जनाएको छ ।
