काठमाडौं । मौसम पूर्वानुमान महाशाखाका अनुसार, हाल नेपालमा उल्लेखनीय मौसमी प्रणाली छैन ।
अहिले (बिहीबार बिहान) देशको पहाडी भूभागमा आंशिक बदली रही बाँकी भूभागमा सामान्यतया मौसम सफा रहेको छ ।
आज दिउँसो देशको पहाडी भूभागमा आंशिक बदली हुने र बाँकी भूभागमा सामान्यतया मौसम सफा रहनेछ ।
अपरान्हपछि मध्य र पश्चिमी पहाडी भूभागका १–२ स्थानमा मेघ गर्जन, चट्याङ सहित हल्का वर्षाको सम्भावना छ ।
त्यस्तै आज राति देशभर सामान्यतया मौसम सफा रहनेछ ।
शुक्रबार र शनिबार पनि देशको पहाडी भूभागमा आंशिक बदली रही बाँकी भूभागमा सामान्यतया मौसम सफा रहनेछ ।
अपरान्हपछि पहाडी भूभागका केही स्थानमा मेघ गर्जन, चट्याङ सहित हल्का वर्षा हुन सक्ने महाशाखाले जनाएको छ ।
